מקור ישעיהו ס׳:ט׳
9 כִּי־לִ֣י אִיִּ֣ים יְקַוּ֗וּ וׇאֳנִיּ֤וֹת תַּרְשִׁישׁ֙ בָּרִ֣אשֹׁנָ֔ה לְהָבִ֤יא בָנַ֙יִךְ֙ מֵרָח֔וֹק כַּסְפָּ֥ם וּזְהָבָ֖ם אִתָּ֑ם לְשֵׁם֙ יְהֹוָ֣ה אֱלֹהַ֔יִךְ וְלִקְד֥וֹשׁ יִשְׂרָאֵ֖ל כִּ֥י פֵאֲרָֽךְ׃
פירוש רש"י על ישעיהו ס׳:ט׳
9 בָּרִאשֹׁנָה. כְּמוֹ ׳כְּבָרִאשׁוֹנָה׳, בִּימֵי שְׁלֹמֹה, כְּעִנְיָן שֶׁנֶּאֱמַר מלכים א י:כב: ״כִּי אֳנִי תַרְשִׁישׁ לַמֶּלֶךְ בַּיָּם אַחַת לְשָׁלֹשׁ שָׁנִים תָּבֹא אֳנִי תַרְשִׁישׁ וְגוֹ׳״, תַּרְשִׁישׁ שֵׁם הַיָּם:
10 לְשֵׁם ה׳ אֱלֹהַיִךְ. שֶׁנִּקְרָא עָלֶיךָ, כִּי יִשְׁמְעוּ שִׁמְעוֹ וְשֵׁם גְּבוּרָתוֹ וְיָבוֹאוּ:
11 כִּי פֵאֲרָךְ. נָתַן לָךְ פְּאֵר: